قائم مقام گورنر پنجاب کے دستخط کے بعد پنجاب اسمبلی سے منظور ہونے والا ہتک عزت بل قانون بن گیا

پاکستان قائم مقام گورنر نے دستخط کردیے، پنجاب میں ہتک عزت بل قانون بن گیا

قائم مقام گورنر پنجاب کے دستخط کے بعد پنجاب اسمبلی سے منظور ہونے والا ہتک عزت بل قانون بن گیا۔

گورنر ہاؤس پنجاب کے ذرائع کے مطابق قائم مقام گورنر ملک محمد احمد خان نے بل پر دستخط کردیے جس کے بعد پنجاب اسمبلی سے منظور ہونے والا ہتک عزت بل قانون بن چکا ہے۔

ہتک عزت بل پر قائم مقام گورنر کے دستخط کے بعد صدر لاہور پریس کلب ارشد انصاری نے ردعمل دیتے ہوئے کہا کہ گورنر کو منصوبے کے تحت چھٹی پر بھیج کر قائم مقام گورنر سے دستخط کرائے گئے، پیپلزپارٹی نے بھی صحافیوں کے ساتھ دھوکا کیا۔

ارشد انصاری نے مزید کہا کہ پیپلزپارٹی بظاہر صحافیوں کے ساتھ تھی اور اندر سے حکومت سے ملی ہوئی تھی۔ جلد ایکشن کمیٹی کا اجلاس بلاکر اگلے لائحہ عمل کا اعلان کیا جائے گا۔

افغانستان نے نیوزی لینڈ کو 84 رنز سےہرا دیا

*▪️افغانستان نے نیوزی لینڈ کو 84 رنز سےہرا دیا*

ٹی ٹوئنٹی ورلڈ کپ کا ایک اور اپ سیٹ ہوگیا، افغانستان کی ٹیم نے 160 رنز کے ہدف کا تعاقب کرنے والی تجربہ کار نیوزی لینڈ کی ٹیم کو 75 کے اسکور پر آل آؤٹ کرکے میچ 84 رنز سے جیت لیا۔

افغان بولرز نے کیویز بلے بازوں کو اننگز کی ابتداء سے ہی اپنی نپی تلی اور گھومتی ہوئی گیندوں کے جال میں پھنسائے رکھا۔

گلین فلپ اور میٹ ہینری کے علاوہ کوئی بھی کیوی بلے باز ڈبل فیگر میں داخل نہیں ہوسکا۔

اس سے قبل افغانستان نے رحمان اللّٰہ گرباز کے 80 رنز کی جارحانہ اننگز کی بدولت نیوزی لینڈ کو جیت کیلئے 160 رنز کا ہدف دیا تھا۔

ٹی ٹوئنٹی ورلڈ کپ کے چودھویں میچ میں افغان اوپنرز نے نیوزی لینڈ کے خلاف 103 رنز کا شاندار آغاز فراہم کیا۔

ابراہیم زردان نے41 بالز پر 44 رنز کی اننگز کھیلی جبکہ رحمان اللّٰہ گرباز 56 بالز پر 80 رنز بنا کر اننگز کے آخری اوور میں آؤٹ ہوئے۔

افغانستان کی پہلی وکٹ 14 ویں اوور میں 103 رنز پر گری جب ابراہیم زردان کو ہینری نے بولڈ کیا۔

دوسرے آؤٹ ہونے والے کھلاڑی عظمت اللّٰہ عمر زئی تھے وہ 13 گیندوں پر 22 رنز بنا سکے، ان کے بعد آنے والے محمد نبی کھاتہ کھولے بغیر واپس پویلین چلے گئے، کپتان راشد خان 6 کے اسکور پر رن آؤٹ ہوئے۔

ساتویں نمبر پر بیٹنگ کیلئے آنے والے گلبدین نائب کوئی رن نہ بنا سکے جبکہ کریم جنت اور نجیب اللّٰہ زردان ایک، ایک رن بنا کر ناٹ آؤٹ رہے۔

یوں افغان ٹیم نے مقررہ 20 اوورز میں 6 وکٹ کے نقصان پر 159 رنز اسکور کیے۔

نیوزی لینڈ کی جانب سے ٹرینٹ بولٹ اور میٹ ہینری نے 2 ، 2 وکٹیں لیں جبکہ فرگوسن ایک وکٹ حاصل کر سکے۔

پروویڈینس میں کھیلے گئے گروپ سی کے میچ میں نیوزی لینڈ نے افغانستان کے خلاف ٹاس جیت کر پہلے بولنگ کا فیصلہ کیا۔

افغانستان نے اپنے پہلے میچ میں یوگنڈا کو 125 رنز کے بھاری مارجن سے شکست دے کر کامیابی حاصل کی تھی۔

دوسری جانب ایونٹ میں نیوزی لینڈ کا آج پہلا میچ تھا۔

جے یو آئی سیکرٹری جنرل رکن قومی اسمبلی مولاناعبدالغفورحیدری کا شدید احتجاج اور اجلاس سے واک آو

جے یو آئی سیکرٹری جنرل رکن قومی اسمبلی مولاناعبدالغفورحیدری کا شدید احتجاج اور اجلاس سے واک آوٹ

اسلام آباد (مائئ ٹی وی)کل بروز جمعہ قومی اسمبلی کا اجلاس زیر صدارت ڈپٹی اسپیکر سید غلام مصطفی شاہ زیر صدارت چل رہا تھا اس موقع پر جمعیت علماء اسلام کے مرکزی سیکرٹری جنرل رکن قومی اسمبلی مولانا عبدالغفورحیدری نے پوائنٹ آف آرڈر پر شدید احتجاج کیا اور سپیکر سے مخاطب ہوتے ہوئے کہا کہ اللہ کی عذاب کو دعوت دے رہے ہو یہاں جمعے کی نماز ہورہی ہے اور آپ اجلاس چلارہے ہو پندرہ منٹ کا وقفہ تک نہیں کیا . پاکستان میں سارے اسلامی اقدار پامال ہورہے ہیں مگر پارلیمنٹ جس سے توقع کی جاسکتی تھی کہ وہ قوم کا پارلیمنٹ ہیں

اس میں بیٹھنے والے پاکستانیوں کے دینی اقدار کی پاسداری کریں گے مگر آج جو دیکھنے میں ملا شاید ماضی میں کبھی ایسا نہیں ہوا .

‏زیراعلیٰ پنجاب مریم نواز شریف اور پاکستان مسلم لیگ (ن) کے صدر محمد نواز شریف کی زیرِ صدارت خصوصی

‏زیراعلیٰ پنجاب مریم نواز شریف اور پاکستان مسلم لیگ (ن) کے صدر محمد نواز شریف کی زیرِ صدارت خصوصی اجلاس

راوی اربن ڈویلپمنٹ اتھارٹی سے متعلق سی ای او عمران امین نے تفصیلی بریفننگ دی

روڈا کے پراجیکٹس کی تکمیل کے لئے چین اور دیگر انٹر نیشنل اداروں سے اشتراک کار کا فیصلہ

وزیر اعلیٰ مریم نواز کی روڈ ایریا میں ماسٹر پلان پر عملدرآمد یقینی بنا نے کی ہدایت

روڈا پراجیکٹ ٹوئن سٹی میں انٹرنیشنل لیول ائیر پورٹ بنانے کی تجویز پر اتفاق

روڈا میں فارسٹ ایریا بیس فیصد سے بڑھا کر 35 فیصد کرنے کا اصولی فیصلہ

روڈا میں دریا راوی کی صفائی اور دریا کا پاٹ ہزار میٹر سے زائد چوڑا رکھنے پر اتفاق

روڈافارسٹ ایریا میں تعمیرات پر پابندی کے قوانین پر عملدرآمد کی ہدایت

روڈا ایریا میں اراضی کی غیر قانونی خرید و فروخت روکنے کا حکم

روڈا کی اراضی پر تجاوزات روکنے کے لئے سپیشل پولیس فورس قائم کرنے کا جائزہ

تین جھیلوں میں 117-ارب گیلن پانی ذخیرہ کیا جائے گا:سی ای او روڈا کی بریفننگ

روڈا نیو سٹی میں بننے والی جھیلوں کی وجہ لاہور کا گراؤنڈ واٹر500 کیوبک فٹ فی سیکنڈ چارج ہوگا۔ بریفننگ

بیراج کے ذریعے 5لاکھ 86ہزار کیوسک فٹ پانی ذخیرہ کیا جاسکے گا ۔ بریفننگ

راوی میں آنے والے سیوریج واٹر ڈرین سے پانی کی صفائی کے لئے 8-ویسٹ واٹر ٹریٹمنٹ پلانٹ لگائے جائیں گے ۔ بریفننگ

روڈا پراجیکٹ میں آنے والے گاؤں کو ماڈل ویلج بنایا جائے گا۔ بریفننگ

2013 میں راوی کنارے نیا شہر آباد کرنے کا پلان بنایا ،بعد میں آنے والوں نے رکاوٹیں کھڑی کیں۔ محمد نواز شریف

لاہور کےفیوچر پراجکٹ میں رکاوٹیں ڈالنے والوں کے خلاف کارروائی ہونی چاہیئے ۔ محمد نواز شریف

روڈا تمام پراجیکٹس میں ماحولیاتی تحفظ یقینی بنائے۔ مریم نوازشریف

سینئر صوبائی وزیر مریم اورنگزیب، معاون خصوصی راشد نصراللّٰہ ،چیف سیکرٹری زاہد اختر زمان، سی ای او روڈا عمران امین اور دیگر حکام کی شرکت

خانیوال کے نواحی گاؤں 168/دس آر تھانہ سٹی کی حدود میں افسوسناک واقع پیش آیا ہے

خانیوال کے نواحی گاؤں 168/دس آر تھانہ سٹی کی حدود میں افسوسناک واقع پیش آیا ہے چودہ سالہ طیبہ کیساتھ چاراوباش نوجوانوں نے مبینہ طور پراجتماعی زیادتی کر ڈالی لواحقین ملزمان کیخلاف سراپائے احتجاج بنے ہوئے ہیں

خانیوال(عدنان رسول) تفصیلات کے مطابق چند روز پہلے گھرسودا سلف خریدنے جانیوالی چودہ سالہ طیبہ کیساتھ چار اوباشوں نے مبینہ طور پراجتماعی زیادتی کر ڈالی چودہ سالہ طیبہ کیساتھ ظالمانہ عمل کرنے والے چار ملزمان کیخلاف تھانہ سٹی پولیس نے فوری مقدمہ درج کرکے چار میں سے دو گرفتار کرلیے ہیں تھانہ سٹی کے ایس ایچ نے جبکہ دو مفرور بااثر ملزمان کی جانب سے طیبہ اور لواحقین کو سنگین نتائج دھمکیاں دینا شروع کردی ہیں لواحقین اور متاثرہ بچی دھمکیاں دینے دو ملزمان کیخلاف سراپائے احتجاج بنے ہوئے ہیں والدہ نے مبینہ الزام لگایا ہے چار اوباشوں نے میری بیٹی کیساتھ زیادتی کی ہے جو میری بیٹی کیساتھ بہت بڑا ظلم ہوا ہے بچی کی والدہ کا رو رو کر براحال ہوگیا ہے مبینہ طور پر اجتماعی زیادتی کے نتیجے متاثرہ لڑکی کی حالت غیر ہوئی تو ملزمان متاثرہ بچی گلی میں چھوڑ کر دو ملزمان فرار ہوگئے پولیس تھانہ سٹی کو اطلاع ملی تو پولیس تھانہ سٹی نے موقع پر پہنچ گئی اور دو ملزمان کو گرفتار مقدمہ درج کرلیا اور پولیس تھانہ سٹی نے متاثرہ بچی کے ڈی این اے کے سیمپل فرانزک لیب کو بھجوادیے اورزیادتی کرنیوالےفرار ملزمان کیخلاف متاثرہ بچی اور والدہ احتجاج کرنے والےتمام لواحقین کی جانب سے مطالبہ کیا گیا ہمارے دو ملزمان گرفتار ہیں اور باقی دو کو بھی گرفتار کرکے ہمیں دھمکیاں دینے اور ہمارے بچی کیساتھ ظلم کرنے والے درندوں کو سخت سزا دلوائی جائے(تصویر ہمراہ ہے)

سب بڑافراڈ عام آدمی

*سب بڑافراڈ عام آدمی

ایک کتاب میں میں نے عام آدمی کے بارے میں پڑھا تھا لیکن یقین نہیں ہو رہا تھا لیکن جب عملی زندگی میں میرا پالا جب عام آدمی سے پڑا تو کتاب میں لکھے ہوئے بھی بہت کم پایا

کوئی مانے یا نہ مانے‘ اس ملک میں سب سے بڑا جھوٹا‘ سب سے بڑا چور‘ عام آدمی ہے!

یہ عام آدمی کون ہے کیا ہے

یہ جو عام آدمی ہے‘ جمع جس کی عوام ہے اور واحد جس کی عام آدمی ہے‘ یہ عام آدمی انتہائی بے شرم‘ بے حیا‘ ڈھیٹ اور بد دیانت ہے! یہ عام آدمی سیاست میں ہے نہ اسٹیبلشمنٹ میں! یہ نہ بیورو کریٹ ہے‘ نہ جرنیل! مگر یہ سب سے بڑا فرعون ہے! یہ اپنے جیسے دوسرے عام لوگوں کا سب سے بڑا دشمن ہے!

یہ پھل بیچتا ہے تو جان بوجھ کر گندے پھل تھیلے میں ڈالتا ہے۔ یہ موٹر سائیکل چلاتا ہے تو پیدل چلنے والوں اور گاڑیاں چلانے والوں کے لیے خدا کا عذاب بنتا ہے۔ یہ ویگن اور بس چلاتا ہے تو ہلاکت کا پیامی بن کر چلاتا ہے‘ لوگ دور بھاگتے ہیں! یہ ٹریکٹر ٹرالی اور ڈمپر چلاتا ہے تو موت کا فرشتہ بن جاتا ہے۔ ٹریکٹر ٹرالیاں اور ڈمپر‘ بلامبالغہ سینکڑوں گاڑیوں اور ہزاروں انسانوں کو کچل چکے ہیں۔

یہ عام آدمی جب سرکاری دفتر میں کلرک بن کر بیٹھتا ہے تو سانپ کی طرح پھنکارتا ہے اور بچھو کی طرح ڈستا ہے۔ یہ دفتر سے نماز کے لیے جاتا ہے تو واپس نہیں آتا۔ سائل انتظار کر کر کے نامراد ہو کر واپس چلے جاتے ہیں۔ آپ ڈاکخانے جائیے‘ بورڈ لگا ہو گا ''ڈیڑھ بجے نماز کا وقفہ ہے‘‘۔ یہ وقفہ کب ختم ہو گا؟ کچھ معلوم نہیں! یہی عام آدمی اگر صحافی ہے تو اپنے آپ کو ہر قسم کی پابندی اور قانون سے مبرا سمجھتا ہے اگر خدانخواستہ کسی نے اس صحافی بھائی کے رشتے داروں کی دونمبری کی دوکان پر منشیات فروشی کے اڈے پر بی آئی ایس پی کی رقم سے کٹوتی پر کسی محکمے کے افسران نے ریڈ کر دیا تو اس کو صحافی سے اژدہا بننے میں دیر نہیں لگے گی

اگر یہی عام آدمی پولیس میں ہے تو پورا خاندان بغیر نمبر پلیٹ والی گاڑیاں استعمال کر سکتا ہے بغیر ٹوکن ٹیکس گاڑی چلا سکتا ہے اس کے خاندان کے کچھ افراد کو منشیات فروشی کا لائسنس مل جاتا ہے جس سے اپنے جیسے عام آدمیوں کا قتل عام کرتے ہیں رشتے داروں کے لئے اسلحہ فری اس عام آدمی کو درندہ بننے میں اس وقت دیر نہیں لگتی جب اس کے کسی رشتے دار کو اس جیسا وردی والا عام آدمی کہیں ناکے پر روک لے اور اس عام آدمی کی بات بھی نہ مان رہا ہو

یہ عام آدمی دکاندار ہے تو گاہکوں کو اپنا غلام اور خود کو ہامان سمجھتا ہے۔ صبح جوتے خرید کر شام کو واپس کرنے جائیے، نہیں لے گا۔ واپس کرنا تو دور کی بات ہے‘ تبدیل تک نہیں کرے گا! اس کا گاہک بھی عام آدمی ہے۔ وہ دکاندار سے بھی زیادہ فریبی ہے۔ چیز اچھی خاصی استعمال کرکے واپس یا تبدیل کرنے آئے گا۔

یہ عام آدمی گھر کا کوڑا گلی میں پھینکتا ہے۔ یہ دو کروڑ مکان کی تعمیر پر لگا دیتا ہے مگر پانچ ہزار کی بجری‘ گھر کے سامنے ٹوٹی ہوئی سڑک پر نہیں ڈلوا سکتا۔ یہ عام آدمی گھر بناتا ہے تو گلی کا کچھ حصہ گھر میں شامل کر لیتا ہے۔ دکان ڈالتا ہے تو نہ صرف فٹ پاتھ بلکہ آدھی سڑک پر اپنا سامان رکھتا ہے۔ یہ عام آدمی ناجائز تجاوزات کی شکل میں جو فائدہ اٹھا رہا ہے اس کا حساب لگائیے تو شریفوں اور زرداریوں کی مبینہ چوری سے ہزار گنا بڑی چوری ثابت ہو گی!

یہی عام آدمی جب ایک مجسٹریٹس کے طور پر کام کرتا ہے تو دوکاندار ہوٹل مالکان سے ہزاروں روپے رشوت لینے کے بعد فرضی کاروائی اور خانہ پوری کے لئے اس دوکاندارکو چند سو یا چند ہزار روپے جرمانہ کر کے اپنے جیسے عام آدمی کی بھوک سے نڈھال ہونے پر خودکشی کا باعث بنتا ہے

یہ عام آدمی گیس کے محکمے میں ملازم لگتا ہے تو رشوت لے کر ناجائز‘ چوری چھپے‘ گیس کنکشن دیتا ہے۔ بجلی کے محکمے میں جائے تو گھر بیٹھ کر میٹر ریڈنگ کرتا ہے۔ ٹیلی فون آپریٹر لگے تو فون ہی نہیں اٹھاتا۔ آزما لیجیے۔ آپ کے گردے فیل ہو جائیں گے مگر آپریٹر آپ کی کال نہیں اٹھائے گا۔

یہی عام آدمی جب ڈی سی آفس میں ملازم ہوتا ہے تو اپنے جیسے عام آدمی کے لیے سب سے زیادہ اذیت کا باعث بنتا ہے

یہ عام آدمی ہی ہے جس نے سیاست دانوں کی عادتیں بگاڑی ہیں۔ یہ خوشی سے ان سیاست دانوں کی‘ ان کے بچوں کی‘ ان کے خاندانوں کی غلامی کرتا ہے۔ یہ ساری زندگی ان کے جلسوں میں دریاں بچھاتا ہے۔ نعرے لگاتا ہے۔ ان کی گاڑیوں کے ساتھ دوڑتا ہے۔ ان کی حمایت میں اپنے دوستوں اور رشتہ داروں سے جھگڑتا ہے یہاں تک کہ تعلقات توڑ دیتا ہے مگر اپنی اور اپنے کنبے کی حالتِ زار پر رحم کرتا ہے نہ سیاست دانوں سے اپنے حقوق مانگتا ہے۔

یہ عام آدمی اپنے جیسے عام آدمیوں کو اذیت پہنچاتا ہے۔ بیٹے کی شادی کرے تو لڑکی والوں سے جہیز مانگتا ہے۔ بیٹی کی شادی کرے تو اس کی حوصلہ افزائی کرتا ہے کہ نندوں اور ساس کو چلتا کرے یا ان کے اختیارات چھین لے۔

مسجد میں نماز پڑھنا شروع کرتا ہے تو مولوی صاحب کو اپنا ملازم سمجھتا ہے۔ تجارت کرتا ہے تو کم تولتا ہے۔کسی کے گھرمیں ملازم ہو تو مالک کے ساتھ مخلص نہیں۔ کسی کو اپنا ملازم رکھے تو اس کے کھانے پینے اور لباس کا خیال نہیں رکھتا۔ پیروں‘ فقیروں کے پیچھے بھاگ کر خوار و زبوں ہوتا ہے مگر گھر میں بیٹھے ماں باپ کی خدمت نہیں کرتا۔

یہ ہے وہ عام آدمی جو چاہتا ہے کہ عمران خان‘ نواز شریف‘ زرداری اور چودھری‘ سب کے سب راتوں رات عمر بن عبد العزیزؒ بن جائیں۔

رات دن ان پر تنقید کرتا ہے۔ اسے پورا یقین ہے کہ اس ملک میں اگر کوئی راہِ راست پر ہے تو صرف وہی ہے اور باقی سب کو اصلاح کی ضرورت ہے۔ اسے یہ بھی یقین ہے کہ سیاست پر‘ مذہب پر‘ ملکی نظام پر‘ امریکہ پر اس کا کہا حرفِ آخر ہے۔ وہی بلند ترین اتھارٹی ہے۔

وہ بہت خلوص سے کہتا اور سمجھتا ہے کہ اگر ملک کو اس کی تجاویز کے مطابق چلایا جائے تو دودھ اور شہد کی نہریں بہنے لگیں گی!

جس دن یہ عام آدمی‘ آدمی سے انسان بن گیا تو اہلِ سیاست سے لے کر مقتدرہ تک‘ سب ٹھیک ہو جائیں گے۔ اور اس کے انسان بننے کی امید نہ ہونے کے برابر ہے